شروق

زهقانه ليه ياحبيبتي قولي
ياللا قومي
هاتي مالحنان والحب حبة
لأ حبتين
لقلبي حبة ، والباقي يحييلي العينين
يادفاكي!
بيخلي الإيدين
تصرخ ندا
وأنا في حنان الطبطبة
باموت كده..
وحياتي يااللي بتشرقي
خليكي على حالة الشروق
لاتغيري ولاتغربي
ماتغربيش قلبي اللي متلهف شموس
دي كاسات ضياكي تشبعه
ولا ألف حاجز يمنعه
من بتر عقرب الزمن
بحيث تدنك تشرقي طول الزمن
في البحر نورك باعرفه
من صوت لمسته للموجة
باسمعها في رحيله تقوله
خليك بأه
مش كل مره تسيبني ليك متشوقة
والرمل احس برعشته
من برد بعدك لو غيبتي
وحرارته تطرد عذالكو
طول مانتي حاضناه جواكي
أما انتي حلوة ياحبيبتي!

ليه الدموع يا مفرحاني في دمعتي ليه العيون الحلوة تداريها الشجون ليه العيون


باغرب وباكتب عن الشروق
ياحلاوتي ودموعي بتنزل
باكتب عن النور والدفا
يمكن أكون باحلم اني باكتب
ويمكن يكون الحلم هو اللي بيكتب عني
ويمكن يكون لغروبي شروق
هو اللي كتب
ويمكن تكون الشمس بذوق كتبتها مجامله
مش عارفة حاجه
المهم انها اتكتبت ..
وللأوجاع وللجنون بقية مادام في العمر بقية!